تزوجت حبيبتي و خذاها شخص غالي عليه

تـزوجــت حبـيـبـتـي واتـركـتـنـي
واللي خذاها شخـص غالـي عليّـه

آه بـصـدري يـاعـرب محرقـتـنـي
لكـن بعـد ماصـار وش فـي يديّـه

حضـرت عـرس الغاليـه وخنقتنـي
الدمعـه الـلـي مــن اخوو لخـويـه

لـيـلــه ولــكــن لـيـلــةٍ رجـعـتـنـي
لايـــام كــنــا يـالـثـلاثـه ســويــه

نعلب واشيل اخيــي فوق متني
واطيّـحـه بــالارض ويـهــب فـيــه

كنـت اتميلـح عنـدهـا لامدحتـنـي
واخوي المسكيـن كـان الضحـيـه

وبعـد عبايتهـا غـصـب فارقتـنـي
واشواقنـا رغـم المسـافـات حـيـه

أذكــر بليـلـه مظلـمـه صادفـتـنـي
تشكـي عليـه مــن زمنـهـا الأذيــه

وعـن شوقـهـا حبيبـتـي كلمتـنـي
تخشى السفر وتخاف بعدي شويه

قـلـت الــوادع ودمعـتـي عذبتـنـي
وقبـل السفـر بعطيـك قلبـي هديـه

قـالـت فـمــان الله ثـــم ودعـتـنـي
ومـدت لـي القـلـب المـولـع عطـيـه

رحلـت بــس انفاسـهـا عانقتـنـي
مجنون انـا فـي حـب هـاك البنيـه

تـرسـل رسايلـهـا ولا قاطعـتـنـي
فيهـا النقـاء ماهـي عـلـوم رديــه

فجـأة تناستنـي ويمكـن نستنـي
مـن عقـب ماكانـت يديهـا سخـيـه

رجعت واحزاني معـي ساكنتنـي
وامــي تـزغـرد آه حـيـل اجـوديـه

ويالـيـتـهـا بـالـعـلـم ماعلـمـتـنـي
سلطان اخـذ بنـت النشامـى زكيـه

قــلــت آه آآآه وآه ياخايـنـتـنـي
ومن اخووي بالذات ياهـي قويـه

ضحكـت لـكـن ضحـكـةٍ دمرتـنـي
والـلـي يضـحّـك قـيـل شــر البلـيـه

((فجـأة ورنـت ساعتـي قومتنـي ,, صحيت مفزوعـه وشنهـي القضيـه
بكيـت وابيـات الحبيـب افزعتـنـي ,, الله يــاهـــي لــيــلــة ســرمــديــه
هـذي قصـيـدة حـلـم بــه ولعتـنـي ,, شفته فـي حلـم يـردد بيـوت فيـه))