سلام الله على دار ٍ بعينى كنها الياقوت

قصيده وطنيه رائعه بمعناها وبـ احساس شاعرها الراقي

الشاعر -- محمد نشمي الثبيتي

اترككم مع الحس الوطني العالي والروعه والوصف الراقي


سـلام الله عـلـى رجــال لـهـم بالعالـيـات بـخــوت***تـحـيـاتـى وتسليـمـى بــجـزل الـقـاف مـسـيـوقـه


واحيـي مــن خــدم دولــة مـلـوكٍ عدلـهـم مثـبـوت***لــنـا ولــدارنــا حــطـو مـكـانـة فــــوق مـومــوقــه


امـلـوكٍ مـنـنـا وفـيـنـا ولاهــم بالـصـخـر مـنـحـوت***عطينـاهـم ولانــا الـلـى بعـهـد الـشـرع مــا نبـوقـه


وســـلام الله عـلــى دار بعـيـنـى كـنـهــا الـيـاقــوت***كمـا اللولـو كمـا شمـس الصبـاح بـحـزة شـروقـه


سـلام الله عليهـا قالـة سعـودىٍ بعالـى الـصـوت***تـغـنــى بالـسـعـوديـة وهــاضــه لــحـــن طــاروقـــه


تـغـنـى بـديـرتـه يـومــة تـغــرب والـزمــن مـمـقـوت***عليـهـا كـبـد عاشـقـهـا مـــن اللهفــات مـحـروقـه


وانـا حبـى لهـا يبـقـى ويبـقـى داخـلـى مـا يـمـوت***نـا الهـايـم وانـا العـاشـق ودار الـديـن معشـوقـه


انا وشلون ما اعشقها وهى مبسم بلون التوت***تـلاعـب قـلـب عاشقـهـا وتعـطـى كـامــل حـقـوقـه


لبسنـا فخرهـا ضافـى كمـا تضفـى علينـا بشـوت***وشـربـنــا حـبـهــا دم مـــع الـشــريــان وعــروقـــه


هواهـا هـو هوانـا اللـى تنفـس بــه وهــو الـقـوت***وبحرهـا المالـح الشـهـد المصـفـى يومـنـا نـذوقـه


هـبـا حسادهـا ويـهـبـا وحـسـدة داخـلـه مـكـبـوت***ولانسمـع لهـرج اللـى عـسل فـى سم منطـوقـه


وانـا لــى بالسـعـوديـه مـنـازل شـامـخـة وبـيــوت***عـسـى رب العـطـا كـل السـحـاب لـدارى يسـوقـه


يعـم المملكـه غيـثٍ سحابـه مــا ارتــدم بسـكـوت***يـحــن الـرعــد بـأطـرافـه تـــلاوح صــــادق بــروقــه


تهامـل سـحـب ودانــه بـعـد مــرت عليـهـا وقــوت***وغـــدت قيعـانـهـا كـنـهــا بــيــد حــلاق مـحـلـوقـه


ثـــلاث ايــــام بـلـيــال ومـطـرهــا وابــلــه ســامــوت***بعـد عشريـن مـن وسمـه يـرد المـزن بحقـوقـه


ويكـسـى قاعـهـا خـضـرة خـزامـى مختـلـط بنـبـوت***زبـيــديــة مـصـالـيــعٍ مـن الـقـيــعــان مـفـتــوقــه


هذا عشقى وذا شفى ووش لندن ووش بيـروت***هـذا واحـسـاس شاعـرهـا بــه العـبـرات مخـنـوقـه


والا يالله يــاربـــى دعــيــتـــك دعــــــــوةٍ بــقـــنـــوت***تحـفـظ الــدار ورمــوزه وكـل مــن خانـنا تـعـوقـه


وسلامتكم