انا ياورد ماشميت غيرك...

قصيدة جميلة للشاعر حسين لوتاه حبيت اشاركم فيه ....



يـــــاورد
أنـا يـا ورد مـا شمّيـت غيـرك
ولو زانت لـي ألوانه بعيني

ولو طاب العطر عندي عبيرك
يسـاوي كل فـلّ وياسمينـي

مكانــك مـــا يـراه إلا ضمـيرك
مكانـك فـي مكـانٍ ما يبينـي

غرستك في وسط أرضٍ تجيرك
ريـــاحٍ لاتمـــل ولا تهينـــي

سحايب خاطري بأرضك غديـرك
تهّــل وترتـوي ود وحنينــي

تبعتــك راغــبٍ والشـوك سيـرك
تجـرّحني وجرحـك يهتوينـي

إذا ما طبت لي وشّو يضيــرك
تطيـب لكـل مخلـوق وتزيـني

يظــل بدنيتــي فضلــك وخيــرك
وحفظ الود في طبعي ودينـي

أنا الليّ طول عمري أستخيرك
أبادلك الغصن بأغلى سنيني

أنا روحي فدى شمّت عبيرك
أشوفك غير وان زانو لعيني