فهد المسسسسسساعد: المدينه والغريب.

ـجا يشـوف الحـال كيفـه بعـد ماهـزه حنينـهـ

ـوقبل يسألني سألتـه : كيـف حالـك يالحبيـبـ ؟


ـقال : انا كنـي غريـب ضيـع دروب المدينـهـ

ـقلت : انا كنـي مدينـة تنتظـر رجعـة غريـبـ


ـقال : اجل وش فيك تكره سيرة الحـب وسنينـهـ

ـقلت : أجل وش لون ما اكره سيرته دامك تغيـبـ


ـانت لا من غبت حتى مرايتـك صـارت حزينـهـ

ـكيف ما تبغاني أحزن وانت لي حظ ونصيـبـ !؟


ـالهدايـا و الرسـايـل و المكاتـيـب الثميـنـهـ

ـوالليالي و القمر و الريـح و الكـون الرحيـبـ


ـكل ما تبعد .. تجيـب الشعـر ليـه مـن يدينـهـ

ـو تقعد جروحـي تـودي فالطواريـق و تجيـبـ


ـيا بعـد كـل القصيـد و نـزوة حـداه و انينـهـ

ـلا ذكرتك لاح بيت .. و طاح ورد .. و فاح طيبـ


ـوان نسيتك ما نساني صوتك المبحـوح لينـهـ..

ـياخذ لجرحي بثاره مـن خطايـاك و يطيـبـ


ـو بعد هذا جـاي ترمـي ذنبـك بوجـه المدينـهـ

ـمـا دريـت ان المدينـه كلهـا شمعـة غريـبـ


.

.